RASPBERRY PI വിതരണോത്ഘാടനം 21/2/2015 ന് രാവിലെ 9 മണിക്ക്
ജില്ലാ പഞ്ചായത്ത് ഹാള് പാലക്കാട്
വിദ്യാര്ത്ഥികളുടെ സാങ്കേതിക ജ്ഞാനം വര്ധിപ്പിക്കുന്നതിലൂടെ പഠനമേഖലയില് മികവു പുലര്ത്താന് അവരെ പ്രാപ്തരാക്കുക എന്ന ലക്ഷ്യത്തോടെ സര്ക്കാര് നടപ്പിലാക്കുന്ന പദ്ധതിയാണ് RASPBERRY PI. പോക്കറ്റില് കൊണ്ടുനടക്കവുന്നതും കമ്പ്യൂട്ടര് പോലെ ഉപയോഗിക്കാവുന്നതുമായ ഒരു ഇലെക്ട്രോണി ക് ഉപകരണമാണ് ഇതു. ഈ സംവിധാനം വിവര വിനിമയ സാങ്കേതിക വിദ്യയില് വിദ്യാര്ത്ഥികള്ക്ക് പ്രാവീണ്യം നേടാന് സഹായകരമാണ്. സ്കൂളുകളില്നിന്നും പ്രത്യേക അഭിരുചി പരീക്ഷ നടത്തി തെരഞ്ഞെടുക്കപ്പെട്ട മിടുക്കരായ വിദ്യാര്ഥികള്ക്ക് (ഒരു സ്കൂളില്നിന്നും ഒരു കുട്ടിക്ക്) RASPBERRY PI സൌജന്യമായി വിതരണം ചെയ്യുകയാണ് പദ്ധതിയുടെ ആദ്യഘട്ടം. തുടര്ന്ന് ഈ ഉപകരണം ഉപയോഗിച്ച് ചെയ്യാവുന്ന നിരവധി പ്രവര്ത്തനങ്ങളില് ഇവര്ക്ക് വിദഗ്ദ്ധ പരിശീലനം നല്കും. ഈ പദ്ധതിയുടെ ജില്ലാതല ഉദ്ഘാടനം 21/2/2015 ന് രാവിലെ 9 മണിക്ക്
പാലക്കാട് ജില്ലാ പഞ്ചായത്ത് ഹാളില്വെച്ചു നടക്കും. ജില്ലയിലെ തെരഞ്ഞെടുക്കപ്പെട്ട വിദ്യാര്ത്ഥികള് കൃത്യം 8.30 ന് ജില്ലാ പഞ്ചായത്ത് ഹാളില് ഐഡന്റിറ്റി കാര്ഡ് സഹിതം ഹാജരാകാനുള്ള നിര്ദേശം അതാത് സ്കൂള് പ്രധാനാദ്ധ്യാപകര് നല്കണം.
No comments:
Post a Comment